哈哈，今個星期開始，Nara我正式加入失業大軍啦！大家都問，裸辭之後打算去邊度旅行？我答話：香港遊！相信香港都有好多好味又平嘅美食，不如就開始一個新欄目，叫 #本港美食團 啦～第一站係紅磡！ 第①站：#紅磡雞蛋仔 一嚟到已經有長長嘅人龍，有兩位感覺親切嘅伯伯好勤力咁整緊雞蛋仔，我就揀咗食 #沙律香芒什果班戟，即叫即整嘅蛋皮，捲埋加入芒果粒，酸酸咪咪嘅味道加埋甜而不膩嘅蛋皮，好清新呀！$11呢個價堅抵！ (p.s. 排緊隊嘅時間見到隔離有間串燒店，好吸引，叫左雞肉串同雞全翼，又係即叫即整，熱辣辣好正呀！） 第②站：#三多炸肶 早就聽聞過三多炸肶呢個大名啦！即刻叫返隻炸肶先，幾脆又縛多肉汁，不過$30一隻我又覺得貴左少少喎！ 食完飽飽，就去黃埔嘉禾睇返場「波士BB」，好圓滿嘅一日！大家都不妨嚟個紅磡美食遊吖～^_^ 紅磡雞蛋仔 紅磡大沽街寶利閣2號舖 三多炸肶 紅磡黃埔街24號地下D舖 #食勻紅磡 #第一次搭去黃埔站 #即日短線遊